Дэлхийн хагас дамжуулагчийн салбарт 30 жилийн турш ноёрхсон “Intel” (NASDAQ: INTC) корпораци хамгийн том үйлдвэрлэгч статусаа алдахын ирмэг дээр байна хэмээн “Bloomberg” мэдээллэв.
2021 оны эхний гурван улирлын байдлаар “Samsung Electronics” компани борлуулалтаараа “Intel” корпорацийг тэргүүлсэн бөгөөд 2021 оны жилийн эцсийн тайлан 1-р сарын сүүлээр гарах боловч “Intel” 2-р байр руу унах бололтой хэмээн таамаглаж байна. Улмаар хагас дамжуулагчийн геополитикийн нөлөө урьд өмнөхөөсөө илүү өссөн байгаа энэ цаг үед “Intel” компани ийнхүү байр сууриа алдах нь АНУ-ын хувьд цохилт болж магадгүй юм гэв.
(Бичвэрт агуулагдсан мэдээлэл нь зөвхөн мэдээллийн чанартай бөгөөд энд дурдагдсан хувьцаа болон аливаа санхүүгийн хэрэгслийг худалдах, худалдан авах санал биш болно.)
Ашигласан эх сурвалж: bloomberg.com
