📊 “Монголын хөрөнгийн бирж” ХК-ийн 2026 оны III улирлын тайлангийн онцлох үзүүлэлтүүд

• Facebook
• Instagram
• Threads
• X
• Link

💰 Борлуулалтын орлого 109%-иар, цэвэр ашиг 85%-иар өслөө
2026 оны эхний 9 сард борлуулалтын орлого 13.9 тэрбум төгрөгт хүрч, өмнөх оны мөн үеэс 109%-иар, цэвэр ашиг 39.1 тэрбум төгрөгт хүрч, 85%-иар тус тус өссөн байна. Хүүгийн орлого 60%-иар өсөж, 37.8 тэрбум төгрөгт хүрсэн нь ашгийн өсөлтөд голлох нөлөө үзүүлжээ.

📈 Үнэт цаасны арилжаа
Оны эхний 9 сард Монголын хөрөнгийн биржээр нийт 1.3 их наяд төгрөгийн үнэт цаасны арилжаа хийгдсэн байна. Нийт арилжааны үнийн дүнгийн 62.7%-ийг компанийн бонд бүрдүүлсэн нь өмнөх оны мөн үетэй харьцуулахад 1.8 дахин өссөн үзүүлэлт юм. Харин хувьцааны арилжаа нийт үнийн дүнгийн 16.1%-ийг бүрдүүлж, өмнөх оны мөн үеэс 0.6 дахин буурчээ.

⛏️ Уул уурхайн бүтээгдэхүүний арилжаа
2026 оны эхний 9 сард нийт 13.0 сая тонн уул уурхайн бүтээгдэхүүнийг 11.6 их наяд төгрөгөөр арилжаалжээ. Үүнээс зөвхөн 3-р улиралд 5.7 их наяд төгрөгийн арилжааг гүйцэтгэжээ. 2026 оны 3-р улиралд уул уурхайн бүтээгдэхүүний арилжааны үнийн дүн өмнөх улиралтай харьцуулахад 2.2 их наяд төгрөгөөр өссөн байна. Энэхүү өсөлтөд нүүрсний арилжааны үнийн дүн 72.3%-иар, зэсийн баяжмалын арилжааны үнийн дүн 33.7%-иар тус тус өссөн нь голлон нөлөөлжээ. Харин төмрийн хүдэр, баяжмалын арилжааны үнийн дүн 35.6%-иар буурсан үзүүлэлттэй гарчээ. 3-р улиралд молибдений баяжмалын арилжаа шинээр хийгдсэн байна.
Эх сурвалж: МХБ