Монголын хөрөнгийн бирж (МХБ)-д бүртгэлтэй хувьцаат компаниудын нийт зах зээлийн үнэлгээ 16.8 их наяд төгрөгт хүрч, өмнөх долоо хоногтой харьцуулахад 3.5%-иар өсөж, зах зээлийн өсөлтийн төлөв хадгалагдлаа.
🔝 ТОП-20 индекс 66,618.4 нэгжид хүрч, өмнөх долоо хоногоос 2.7%-иар өслөө.
Өсөлтийг хөрөнгө оруулагчдын арилжааны идэвх болоод томоохон хувьцаат компаниудын ханшийн өсөлт дэмжив.
⬆️ Хамгийн их өсөлттэй:
“ХасБанк” ХК (XAC)-ийн хувьцааны ханш 22.7%-иар өсөж, 1,696₮-т хүрлээ. Ингэснээр хувьцааны дээд ханшаа шинэчлэн тогтоож, зах зээлийн үнэлгээ нь 1.8 их наяд төгрөгт хүрэв.
⬇️ Хамгийн их бууралттай:
“Худалдаа хөгжлийн банк” ХК (TDB)-ийн хувьцааны ханш 17.9%-иар буурч, 11,950₮-т хүрлээ.
💰 Хамгийн их арилжаалагдсан:
“Хаан банк” ХК (KHAN)-ийн хувьцаа долоо хоногийн хугацаанд нийт 1.10 тэрбум төгрөгөөр арилжаалагдаж, арилжааны үнийн дүнгээр тэргүүллээ. Удаах байруудад “Худалдаа хөгжлийн банк” ХК болон “Премиум Нэксус” ХК жагслаа.
