ОНЦЛОХ ТООНУУД: 🧐🧐🧐
Үйл ажиллагаа:
2024 онд ТОП-5 банкны нийт актив дунджаар 22.8%-иар өссөн бол Голомт банкны активын өсөлт онцлохуйц буюу 34.4%-иар нэмэгдсэн байна. Эдгээр банкуудын цэвэр зээлийн хэмжээ дунджаар 38.5%-иар нэмэгдсэн нь нилээдгүй өндөр үзүүлэлт бөгөөд Голомт банк болон Төрийн банк тус бүр 57.8% болон 52.3%-иар цэвэр зээлийн хэмжээгээ өсгөсөн нь хөрөнгө оруулагчдын хувьд анхаарал татахуйц үзүүлэлт болоод байна.
Ашигт ажиллагаа:
Банкуудын цэвэр ашиг дунджаар өмнөх оны мөн үеэс 54.4%-иар нэмэгдсэн бөгөөд тус үзүүлэлт ийнхүү нэмэгдэхэд Голомт банк 124.9%-иар, ХХБ 98.5%-иар цэвэр ашгаа өсгөсөн нь голлон нөлөөлсөн байна. Тус банкуудын орлогын бүтцийг нь авч үзвэл Голомт банкны хүүгийн орлого нь 35.1%-иар, бусад орлого нь 34.5%-иар өссөн, Худалдаа хөгжлийн банкны хүүгийн орлого нь 39.5%-иар, бусад орлого нь 41.0%-иар тус тус өссөнийг онцлох нь зүйтэй.
Зээлийн чанар:
ТОП-5 банкны цэвэр зээлийн хэмжээ дунджаар 38.5%-иар нэмэгдсэн ч чанаргүй зээлийн хувь дунджаар 3.8% болж өмнөх оны мөн үеэс 2.5%-иар буурсан нь зээлийн чанар харьцангуй сайжирч байгааг илтгэж байна.
Зах зээлийн үнэлгээ (P/E, P/B): Зах зээлийн үнийг компанийн дансны үнэд харьцуулж үзэхэд 5 банкны 4 нь дансны үнээсээ багаар үнэлэгдэж байгаа нь банкуудын хувьд харьцангуй хямд үнэлэгдэж байгааг харуулж байна. Мөн үнэ ашгийн харьцааг авч үзэхэд дунджаар 3.78 байгаа нь дээрх дүгнэлтийг бататгаж байна.
Ногдол ашгийн өгөөж:
Хөрөнгө оруулагчдын хувьд анхаарал хандуулах хамгийн чухал хүчин зүйлийн нэг бол ногдол ашиг тараалтын хувь бөгөөд эдгээр банкууд нь бүгд хувьцаа эзэмшигчдэдээ 2023 оны ногдол ашгаа тараасан байна. Энэхүү ногдол ашгийн өгөөжийн голч үзүүлэлт нь 9.9%-тай байгаа нь харьцангуй өндөр үзүүлэлт юм. Удахгүй банкуудын 2024 оны жилийн эцсийн ногдол ашгийн мэдээлэл гарах үед бид ногдол ашгийн өгөөжийн мэдээллийг харьцуулан та бүхэнд хүргэх болно оо.
Та бүхэн дотоод хувьцааны талаар мэдээлэл авч арилжаанд оролцохыг хүсч байвал дараах линкээр мэдээллээ бөглөнө үү.👉👉👉 https://forms.office.com/r/kG33uwiF55
7777 – 6377
Жич: Банкуудын хувьцааны ханшийг 2024 оны 12-р сарын 31-ны хаалтын ханшийг ашигласан болно
