📌 Монголын Хөрөнгийн Биржид бүртгэлтэй хувьцаат компаниудын нийт зах зээлийн үнэлгээ 16.7 их наяд төгрөгт хүрч, оны эхнээс 20.7%-иар өссөн бол өмнөх 7 хоногтой харьцуулахад 0.19%-иар буурсан үзүүлэлттэй байна.
🔝Харин ТОП-20 индекс өмнөх 7 хоногт 66,842.1 нэгжид хүрч, 0.34%-иар өсөв. Тус индекс нь 2026 он гарснаас хойш 22.7%, өмнөх оны мөн үеэс 35.6%-иар өссөн байна. ТОП-20 индекс түүхэн дээд түвшнээ шинэчилсээр байгаа нь хөрөнгө оруулагчдын арилжааны идэвх нэмэгдэж, индексэд багтдаг томоохон компаниудын хувьцааны ханшийн хөдөлгөөн зах зээлд эерэг нөлөө үзүүлж байна.
⬆️ Хамгийн их өссөн:
“ЛэндМН ББСБ” ХК (LEND)-ийн хувьцааны ханш 12.6%-иар өсөж, 176.4₮-т хүрч ТОП-20 индексийн хамгийн их өсөлттэй хувьцаа болж байна.
⬇️ Хамгийн их буурсан:
“Улсын их дэлгүүр” ХК (UID)-ийн хувьцааны ханш 3.2%-иар буурч, 3001₮-т хүрэн өнгөрөгч долоо хоногийн хамгийн их бууралтыг үзүүлсэн байна.
💰 Хамгийн их арилжаалагдсан:
“Хаан банк” ХК (KHAN)-ийн хувьцаа 7 хоногийн хугацаанд нийт 792.3 сая төгрөгөөр арилжаалагдаж, арилжааны үнийн дүнгээр тэргүүлсэн хэвээр байна.
📣“АПУ” ХК (APU) ХУВЬЦАА ЭЗЭМШИГЧДЭДЭЭ НОГДОЛ АШИГ ХУВААРИЛЛАА.
2026-10-06
2:02 am
