CMM – Capital Markets Mongolia -аас зохион байгуулж буй Earnings call – д Хас банкны Гүйцэтгэх захирал Г.Цэвэгжав Хас банкны 2024 оны үйл ажиллагааны талаар хийсэн уулзалтаас дараах мэдээллийг онцлон та бүхэнд хүргэж байна.
- Сүүлийн 4 жилийн хугацаанд эздийн өмчийн өгөөжийг 20.0-с дээш хувьд барьж ажилласан. 2024 онд дээрх үзүүлэлт 25.6%-тай байсан байна.
- Нийт зээлийн тоо 14.5%-иар, зээлийн багц 34.5%-иар, зээлийн хүүгийн орлого 40.3%-иар тус тус нэмэгдсэн байна.
- Нийт эх үүсвэрийн 2/3-ыг дотоод эх үүсвэрээс, 1/3-ийг гадаад эх үүсвэрээс бүрдүүлэх стратеги баримтлан ажилладаг. Энэ хүрээнд 2024 онд татсан гадаад эх үүсвэрийн хэмжээ 35.8%-иар өссөн.
- Банк эх үүсвэр татах болон зээлийн олголт хийхдээ аль болох төвлөрлийг бууруулах бодлого баримталдаг.
- Худалдаа, үйлчилгээ, жижиг, дунд үйлдвэрлэлийн салбарт илүү төвлөрч ажиллана.
- 2025 онд банкны ашигт ажиллагаа, санхүүгийн харьцаа үзүүлэлтүүдийг 2024 оны түвшинд барьж ажиллахаар төлөвлөж байна.
- Хувьцаа эзэмшигч, хөрөнгө оруулагчдадаа хувьцааны ханшийн өсөлтөөс өгөөж хүртээх тал дээр илүү төвлөрч ажиллана.
- Ногдол ашгийг жилд 2 удаа олгох бодлогоо хэвээр хадгалах бөгөөд ногдол ашгийн өгөөжийг жилийн 6.0-8.0%-д барихаар төлөвлөж байна. Гэхдээ нийт ашгийн хувь гэхээс илүүтэй олгох дүн дээр анхаарч ажиллахаа онцоллоо.
- Банк бизнесийн үйл ажиллагаа, санхүүгийн суурь үзүүлэлт дээр илүүтэй анхаарч ажилласнаар хөрөнгө оруулагчдын сонирхлыг илүүтэй татах боломжтой гэж үзэж байна.
- Нийт зээлийн 65-70.0%-ийг иргэдийн банкаар, үлдсэн хэсгийг байгууллагын болон лизингийн банкны үйл ажиллагаанд гаргах стратеги баримтална.
- Хэрэглээний зээлийн түвшнийг огцом бууруулах, зээлийн хүүгийн тааз тогтоох зэрэг нь банкуудын үйл ажиллагаанд сөргөөр нөлөөлөх эрсдэлтэй тул зохистой түвшнийг баримтлах нь зүйтэй тухай дурдсан болно.
