2026 оны эхний хагас жилд ДНБ 16.4 их наяд төгрөгт хүрч, өмнөх оны мөн үеэс 1.2 их наяд төгрөгөөр нэмэгдлээ.
*Урьдчилсан гүйцэтгэлээр, 2015 оны зэрэгцүүлэх үнээр.
ДНБ-ний өсөлтөд эзлэх нэгж хувиар нь авч үзвэл:
⛏️ Уул уурхай, олборлолт – 3.9 нэгж хувь
🌾 Хөдөө аж ахуй – 1.4 нэгж хувь
💼 Үйлчилгээ – 1.8 нэгж хувь
🏗️ Үйлдвэрлэл, барилга – 0.5 нэгж хувь
💰 Бүтээгдэхүүний цэвэр татвар – 0.1 нэгж хувийг эзэлжээ.
2025 оны эхний хагас жилд уул уурхай, олборлолтын салбар 0.1 нэгж хувийг эзэлж байсан бол 2026 оны эхний хагас жилд 3.9 нэгж хувь болж тус салбарын идэвхжил нэмэгдсэн байна.
⛏️ Уул уурхай-Өсөлтийн гол хөдөлгөгч
Уул уурхайн бүтээгдэхүүний олборлолт, экспортын идэвхжил, түүхий эдийн гадаад эрэлт болон үнийн таатай нөхцөл нь салбарын нэмэгдэл өртгийг өсгөж, улмаар эдийн засгийн өсөлтийн гол хөдөлгөгч болжээ.
2026 оны эхний 7 сард экспорт өмнөх оны мөн үеэс 4.5 тэрбум ам.доллароор өссөн байна.
Экспортын өсөлтөд:
🟠 Зэсийн хүдэр, баяжмал – 2.6 тэрбум ам.доллар
⚫ Нүүрс – 1.7 тэрбум ам.доллар
🧶 Самнасан ноолуур – 71.2 сая ам.доллар
🗻Гянтболдын хүдэр, баяжмал – 42.0 сая ам.доллар
🍪Хар тугалганы хүдэр, баяжмал – 37.6 сая ам.доллар голлон нөлөөлжээ.
БНХАУ-ын эрэлт чухал хэвээр байна.
Монгол Улсын экспортын гол бүтээгдэхүүн болох нүүрс, зэсийн хүдэр, баяжмалын нийлүүлэлт БНХАУ-ын зах зээлд өндөр төвлөрсөн хэвээр байна. БНХАУ-д экспортолсон барааны 41.0%-ийг нүүрс, 47.4%-ийг зэсийн хүдэр, баяжмал эзэлж байна.
Иймээс цаашдын эдийн засгийн өсөлтөд түүхий эдийн үнэ, БНХАУ-ын эрэлт болон дэлхийн зах зээлийн нөхцөл чухал нөлөө үзүүлсээр байх төлөвтэй байна.
